<<笑話一則>>
健身響大家嘅生活當中佔左一個咩位置，而健身對大家又有啲咩影響呢？
可能大家會覺得健身只係臨夏天前嘅最後衝剌、用唻呃下like、純粹改善外形或者係好吃力不討好嘅運動
對某啲人嚟講，健身可能係拯救，係，可能你會覺得我講得好誇張，但千真萬確
呢度請容許我分享下一D個人感受，健身幫左我啲乜？最明顯係改善外形
係，改善外形係好緊要，但都只係好皮毛同基本既野，最緊要既係改善到心態
我嘅人生經歷過谷底，果陣不思進取，可以話同廢人一樣，期間唯一堅持到既只係得返健身，因為我知道就算我係一個事業無成嘅廢人都好，我都要鍛練好身體，只要體格夠強，總會有用得著既地方
所以我每日工餘時間就算幾攰都好，我都一定抽時間健身，因為我知道透過健身訓練到既堅持，可以令我有能力面對人生中唔同既壓力。所以好多人問我係咪痴線，話返啲工咁辛苦都仲要去操野，我話我操左我先會更加有精神更加有力量去面對每日挑戰，但呢點堅持唔係咁容易得返黎，係要經歷同自己多次既對抗同掙扎先得到
雖然到今時今日我都未達到我想要嘅成功，但至少每日有幾多殘酷嘅挑戰我都未驚過!!
我既經歷係想講比大家聽，如果你怕健身既話，只會令你每日攰上加攰，冇活力。反而如果你諗住透過健身可以一日比一日強壯同有活力既話，你既心態就會截然不同，最緊要既係呢種心態唔只係響健身上應用到，而係人生路途上都用得著。
最後，若果你放棄鍛練你嘅體格，就等於放棄你同人生對抗嘅本錢
多謝收睇
Burger
Search